पोखराय् बर्ड फ्लु

पोखरा उपमहानगरपालिका घारीपाटनय् बर्डफ्लु एच ५ एन १ लुइकूगु दु । उपमहानगरपालिकाया वडा नं ७य् ज्ञानबहादुर खड्कां लगिनातःगु हँय् व खाया नमुनाय् एच ५ एन १ भाइरर्स लूगु पुष्टी सरकारं याःगु दु ।

कृषि व सहकारी मन्त्रालयया प्रवक्ता डा. हरि दाहालं बुधवाः खड्कां लगिनातःगु झँगया पक्षिणय् उगु भाइरर्स लूगु खँ कनादिल । वयेकलं बेलायतया वेलव्रिज ल्याब्रोटोरि प्रयोगशालाय् परिक्षणया निंतिं छ्वःगु खुगू नमूना मध्ये खुगूली एच ५ एन १ लूगु धयादिल ।

वयेकलं नेपालय् बर्ड फ्लु खनेदुगु थ्व स्वंगूगु घटना जूगु धयादिसें थ्वस्वयां न्ह्यः वंगु जनवरी १६य् मेची नगरपालिकाय् व फेब्रुअरी १९य् शरमती धाइगु थासय् बर्ड फ्लु लूगु धयादिल ।