माओवादीया न्हूगु ज्याझ्वः
येँ (सन्ध्या टाइम्स)/राजनीतिक गतिरोध अन्त्यया निंतिं धकाः उच्चस्तरीय राजनीतिक संयन्त्र दयेके धुंकाः फ्यासुया वंगु आन्दोलनयात निरन्तरता बीत एनेकपा (माओवादीं) थौं संघर्षया न्हूगु ज्याझ्वः पित बीगु जूगु दु ।
थौं च्वनीगु स्थायी समितिया बैठकं आन्दोलनया ज्याझ्वः तयार याइ। माओवादीया छम्ह नेतां आःया अवस्थाय् उच्चस्तरीय राजनीतिक संयन्त्रय् सरकार हिलेगु नं खँ जुयाच्वंगु हुनिं तःधंक दबाब मजुइगु कथं जागरण अभियान थें जुइक कार्यकर्ता परिचालन यायेगु कथंया आन्दोलनया ज्याझ्वः पित बीगु जुइ धकाः जानकारी बिउगु दु ।
