खड्ग ओलीं संघीयता विरुद्ध अभियान न्ह्याकीगु
येँ (सन्ध्या टाइम्स)/२०६२-२०६३ या जन आन्दोलन भाग-२ न्ह्यानाच्वंगु इलय् उकिया विरोधय् न्ववाना जूम्ह एमालेया नेता केपी शर्मा ओलीं आः संघीयता विरुद्ध अभियान न्ह्याकेगु घोषणा यानादीगु दु। थौंकन्हय् युरोप भ्रमणय् दीम्ह नेता ओलीं राजतन्त्रं देय्यात सामन्ती रुपं जूसां एकीकृत यानातःगु खः धासें संघीयतां देय्यात कुचा थलीगु खँ धयादीगु दु ।
छुं न्हि न्ह्यः पोर्चुगलय् नेपाःमितय् छगू ज्याझ्वलय् न्ववासें वय्कलं आः थः नेपाः लिहां वने धुंकाः संघीयता विरुद्ध अभियान हे चले यायेगु जुइ धकाः नं अनया नेपाःमितय्त कनादीगु खः ।
