माओवादीया नं मुँज्या

येँ (सन्ध्या टाइम्स)/एनेकपा (माओवादी)या थौं केन्द्रीय पदाधिकारीया मुँज्या च्वनीगु जूगु दु। राष्ट्रिय स्वाधिनता नापं नागरिक सर्वोच्चताया सवालयात कयाः गुगु कथं न्ह्याः वनेगु नापं राजनीतिक दलतलिसे समन्वय याना वनेगु धइगु विषययात कयाः थौंया मुँज्याय् सहलह जुइ। उच्चस्तरीय राजनीतिक संयन्त्रय् थःपिनि मागयात गुकथं काइ उकथं हे आन्दोलन याना वनेगु खँ नं माओवादीं धाःगु दु ।