फोहोर समस्या ज्यंकेत इनाप
येँ (सन्ध्या टाइम्स)/येँ महानगरपालिकाया कर्मचारीतय्सं यानाच्वंगु हडतालं यानाः राजधानी येँदेशय् खने दयाच्वंगु फोहोरया समस्या समाधान यायेत नेवाः जागरण मञ्चं इनाप याःगु दु। मञ्चपाखें संयोजक सुजीव वज्राचार्यं थन छगू वक्तव्य पिकासें सरकारं हडताल यानाच्वंपिं कर्मचारी लिसे वार्ता यानाः उमिगु समस्या समाधान यायेगुपाखे पलाः मन्ह्यासे अःखतं शान्ति सुरक्षाया ज्याय् खटे जुइमाःपिं प्रहरीयात फोहोर मुनेगु ज्याय् छ्यलाः सुरक्षा निकायया दुरुपयोग यानाच्वंगु समेत द्वपं बियादीगु दु ।
फोहोर थेंज्याःगु तुरुन्त महामारी ब्वलनेफुगु विषययात लाथेपाथे ढंगं स्वयाच्वंगु खँ धासें मञ्चं थ्व समस्या याकनं समाधान यायेत नं सरकार व मनपायात इनाप याःगु दु।
देय्न्यंकंया स्थानीय निकायया कर्मचारीतय्सं यानाच्वंगु हडतालं यानाः फोहोर मुनेगु ज्या तकं वंगु छुं न्हि न्ह्यवंनिसें दिनाच्वंगु दुसा सरकारं प्रहरी पाः तयाः फोहोर मुंकूसां समस्या धाःसा चिलावंगु मदुनि ।
