स्थानीय निकायया कर्मचारीतय्सं आन्दोलनया ज्याझ्वः लितकाल

निवाः न्ह्यः निसें आन्दोलनरत स्थानीय निकायया कर्मचारीतय्सं आन्दोलनया ज्याझ्वः लितकाःगु दु । वर्तमान सरकारं थःपिनिगु माग पूवंकेमफइगु धासें कर्मचारीतय्सं आन्दोलनया ज्याझ्वः लितकाःगु खः । अथेहे कर्मचारीतय्सं वर्तमान सरकार परिवर्तन जुयाः न्हूगु सरकार गठन मजुतल्ले आन्दोलन मयायेगु घोषणा नं याःगु दु ।

सोमवाः छगू पत्रकार सम्मेलन यानाः स्थानीय निकाय कर्मचारी संघर्ष समितिया अध्यक्ष हरिकुमार श्रेष्ठं कर्मचारीतय् माग पूवंकेमफुगु वर्तमान सरकारया प्रधानमन्त्री, मन्त्री लगायतयात स्थानीय निकायलय् बहिष्कार यायेगु धयादिल ।

स्थानीय निकायया कर्मचारीतय्सं आन्दोलन लितकायेवं फोहर मुनेगु नापं स्थनीय निकायया दक्वं ज्या निर्वाध रपं सुचारु जूगु दु ।