उपप्रमयात प्रधानमन्त्रीं स्पष्टिकरण काइगु
नेकपा (एमालें) सत्ताकब्जा यायेत स्वःगु व वर्तमान सरकार परिर्वतन यायेमाःगु धकाः उपप्रधान्त्री सुजाता कोइरालां बियादीगु अभिव्यक्तियात कयाः प्रधानमन्त्री स्पष्टिकरण काइगु जूगु दु ।
प्रधानमन्त्री नापं मन्त्रिपरिषदया ज्याकू सिंहदरवारय् आइतवाः सुथय् च्वंगु सरकार समर्थक झिगू दलया बैठकय् प्रधानमन्त्री नेपालं सोमवाः जुइगु उच्चस्तरीय राजनीतिक संयन्त्रया बैठकय् स्पष्टिकरण कायेगु धयादिल । वयेकलं थुकीया बारे स्वयम उपप्रधानमन्त्री कोइराला नाप थःम्हं नं खँल्हाबंला यायेगु व प्रमुख दलया नेतातनाप नं खँल्हाबंला यायेगु धयादिल ।
शनिवाः बुटवलय् जूगु नेपाल वित्तीय संस्था कर्मचारी संघया झिंप्यक्वःगु क्षेत्रीय अधिवेशनया उल्लेज्या यानादिसें कोइरालां सरकारया नेतृत्व यानाच्वंगु एमालें सत्ताकब्जा यायेत स्वःगु व वर्तमान सरार एमालेकरण जुयावंगु द्वपं बियादीगु खः । अथेहे वयेकलं थंज्याःगु पलाः एमालें मिभंकुसाः सरकार परिवर्तन यायेमालीगु बिचाः प्वंकादीगु खः ।
