पञ्चत हानं छप्पँ
येँ (सन्ध्या टाइम्स)/पुलांपिं पञ्चतय्गु निगू पार्टी राप्रपा व राजपा एकीकरण यानाः आः 'राशप्रपा' अर्थात राष्ट्रिय शक्ति प्रजातन्त्र पार्टी जुइगु जूगु दु। सूर्यबहादुर थापा अध्यक्ष जुयाच्वंगु राष्ट्रिय जनशक्ति पार्टी व पशुपति शमसेर अध्यक्ष जुयाच्वंगु राष्ट्रिय प्रजातन्त्र पार्टी छथाय् च्वनाः 'राशप्रपा' गठन यायेत्यंगु खः। न्हूगु पार्टीया नेतृत्व सुनां याइ धइगु खँ क्वःछिउगु मदुनि। मेगु अधिवेशन मजूतलेया निंतिं निगुलिं पार्टीया केन्द्रीय समिति भंग मजुइगु व उकिया मंकाः बैठकया सभापतित्व पालंपाः यायेगु खँ धाःगु दु ।
