पत्रकारया परिभाषा हे न्हूगु दयेकल
येँ (सन्ध्या टाइम्स)/नेपाल पत्रकार महासंघं पत्रकारया न्हूगु परिभाषा दयेकूगु दु। आः न्हिंन्हिंसिया समाचार संकलन, लेखन, सम्पादन आदि थेंज्याःगु ज्या याइपिंत जक पत्रकार धायेगु न्हूगु परिभाषा नेपाल पत्रकार महासंघं तयार याःगु दु
।
थ्वहे फागुनं जुइगु महासंघया तःमुँज्यां थुकियात पारित यायेत्यंगु खः। न्हापा पत्रकार धाल कि समाचारदाता, संपादक जक मखु कि ले आउट डिजायनिङ्ग, भाषा संपादक, अपरेटर, फोटो ग्राफर आदियात नं मान्यता बिया तःगु खः। थौंकन्हय् जुयाच्वंगु महासंघया पार्षद भेलां थ्व न्हूगु परिभाषा तयार याःगु खः। आः महासंघयात संघीय व्यवस्था अनुरुप यंकेगु निर्णय नं महासंघं याःगु दु ।
