थ्वहे सरकारं चुनाव तकं याइगु दावी
येँ (सन्ध्या टाइम्स)/उपप्रम व मधेशी जनअधिकार फोरम (लोकतान्त्रिक) या अध्यक्ष विजय गच्छदारं वर्तमान सरकारं न्हूगु संविधान दयेकेधुंकाः चुनाव तकं याइगु दावी यानादीगु दु। थ्व सरकार परिवर्तन जुइ मखु धासें वय्कलं आः नकतिनि गठन याःगु उच्चस्तरीय राजनीतिक संयन्त्रय् नं सरकार परिवर्तनया खँ जुइ मखु धयादीगु दु ।
संघर्षया लागिं आः नकतिनि मधेशी जनअधिकार फोरमया नायः उपेन्द्र यादव व थारू नेता लक्ष्मण थारू दथुइ जूगु गठबन्धनयात नं वय्कलं अपवित्र गठबन्धन खः धकाः द्वपं बियादीगु दु ।
