नेपाः व कोरिया दथुइ सहमति
येँ (सन्ध्या टाइम्स)/नेपाः व कोरिया दथुइ आः नकतिनि च्वंगु छगू मुँज्यां सहकार्य यायेगु खँय् सहमति प्वंकूगु दु।
निगू देय्या दथुइ जुयाच्वंगु व्यापार द्यापंयात म्हो यायेगु ल्याखं थुकिइ सहकार्य याना वनेगु खँय् निगूलिं देय्या उद्यमी व व्यापारीतय् दथुइ सहमति जूगु खः ।
थुकिया निंतिं नेपाः भ्रमणय् वयाच्वंपिं कोरियाया नीजि ख्यःया उद्यमी व नेपाल उद्योग वाणिज्य महासंघया पदाधिकारीतय् दथुइ च्वंगु छगू मुँज्यां थुगु निष्कर्ष पिकाःगु खः ।
उगु मुँज्याया झ्वलय् नेपालं कोरिया नापं थगुने जूगु व्यापारय् म्होतिं नं निगू अर्ब ग्वीगू करोड तका द्यापं फयेमाःगु जानकारी बिउगु खः ।
