संयन्त्रप्रति स्पष्ट जुइत माओवादी नेतृत्वयात दबाब

एकीकृत नेकपा (माओवादी)या स्थायी समिति दुजःतय्सं उच्चस्तरीय राजनीतिक सयन्त्र पाखें थःपिनिगु माग पूवनीगु खः वा मखु धइगु विषयलय् स्पष्ट जुइत नेतृत्वयात दबाब ब्यूगु दु ।

छुं न्हि निसें जुयाच्वंगु पार्टीया स्थायी समितिया बैठक कथं शनिवाः अध्यक्ष पुष्पकमल दाहाल 'प्रचण्ड' निवासय् जूगु बैठकय् दुजःतय्सं नागरिक सर्वोच्चता व राष्ट्रिय स्वाधीनताया आन्दोलनयात संयन्त्रं सम्बोधन मयासाः शान्तिपूर्ण आन्दोलन न्ह्याकेगुया विकल्प मुदगु खँ तःगु दु ।

अथेहे शनिवाःया बैठकय् अध्यक्ष प्रचण्डया समिक्षात्मक राजनीतिक प्रतिवेदनय् दुजःतय्सं थःथःगु बिचाः प्वंकेगु ज्याझ्वः क्वचा:गु दु । आइतवाः च्वनीगु बैठकय् अध्यक्ष प्रचण्डं नेतातय्सं न्यंगु न्ह्यसःया लिसाः बियादीगु ज्याझ्वः दु ।