कांग्रेसपाखें खुगू प्रदेश प्रस्ताव
येँ (सन्ध्या टाइम्स)/राज्य पुनर्संरचनाया नितिं नेपाली कांग्रेसपाखें खुगू प्रदेशया प्रस्ताव तइगु जूगु दु। नेपाली कांग्रेसया थौं न्हिनय् संविधानसभा दलया मुँज्या च्वनाः उकथंया अवधारणा तयार यायेत्यंगु खः। स्रोतं बिउगु जानकारी कथं कांग्रेसं भूगोल, एतिहासिक व धार्मिक महत्वया आधारय् धकाः खुगू प्रदेशया प्रस्ताव हयेत्यंगु खः। उगु प्रस्तावय् श्रृजङगा, सगरमाथा, गण्डकी, कर्णाली, लुम्बिनी-भावर व सिम्रौनगढ-जनकपुर प्रदेशत न्ह्यथना तःगु खँ नं धाःगु दु। नेपाली कांग्रेसं ताः ई न्ह्यवंनिसें जाति, भाषाया आधारय् प्रदेशत दयेके मजिउ धकाः
विरोध यासें क्षेत्रया आधारय् जक प्रदेशत दयेकेमाः धकाः सः तया वयाच्वंगु दु ।
