येँय् नेवाः संघया कचा
येँ (सन्ध्या टाइम्स)/नेकपा(एमाले)या संगठन नेपाल लोकतान्त्रिक नेवाः संघया कचा विस्तार यायेगु झ्वलय् येँया १३ व ३५ वडाय् कचा स्वंगु दु। संघया मूदुजः दिलबहादुर मानन्धरया कुतलय् १३ वडाय् जूगु भेलां उगु कचा नीस्वंगु खः। भेलाय् संघया नायः सानुराजा शाक्य, संघया नेवाः प्रदेश कमिटीया छ्याञ्जे राजेश शाक्य व दुजः ज्ञानेन्द्र बज्राचार्यपिंसं नेवाः प्रदेश, संघीयता व नेवाः संघ बारे ध्वाथुइकादीगु खः। भेलां नीस्वंगु कचाया नायः विजय कुमार मानन्धर, न्वकु बसन्त लाल श्रेष्ठ, छ्याञ्जे रविन्द्र मानन्धर, दांभरि जुजुकाजी महर्जन, दुजलय् दिनेश श्रेष्ठ, मैंया महर्जन, दिलशोभा श्रेष्ठ, रोजी तुलाधर, समरमान श्रेष्ठ, राजु मानन्धर, राम महर्जन, भाइराजा तुलाधर, कृष्ण महर्जन, बाबुराजा महर्जन च्वनादीगु खः ।
उकथं हे संघया येँ ३५ वडा कमिटी नं नीस्वंगु दु। नायः सानुराजा शाक्य मू पाहां जुयादीगु छगू भेलां उगु कमिटी स्वंगु खः। कमिटीया नायः देवेन्द्रकुमार श्रेष्ठ जुयादीगु दुसा न्वकु राजकुमार श्रेष्ठ, छ्यांज्ये योगेशराज श्रेष्ठ, ज्योति बिक, दांभरि बेतीकुमार श्रेष्ठ व दुजय् राम नगरकोटी, किरण नगरकोटी च्वनादीगु दु। भेलाय् नेकपा (एमाले) येँ जिल्ला कमिटीया दुजः रामेश्वर श्रेष्ठ व नेवाः संघ येँ कमिटीया दुजः केशव श्रेष्ठं नं न्ववानादीगु खः ।
