चरिकोटय् न्यान्हु न्ह्यवंनिसें मत मवः

येँ (सन्ध्या टाइम्स)/विद्युत प्राधिकरणं लोडशेडिङ्ग यानातःगु न्हिं ११ घण्टा जक खःसां दोल्खा व चरिकोटय् धाःसा मत मवःगु हे थनिं न्यान्हु दयेधुंकल। मत मवःगुलिं अनया सरकारी ज्याकू व स्थानीय एफएमत तकं बन्द जुयाच्वंगु दु। थनिं खुला ति न्ह्यः नं छक्वः थथे हे तःन्हुमछि मत च्याका महःबलय् स्थानीय क्लबतय्सं ख्याच्वः बीवं च्याका हःगु खः। आः नं मत च्याके बीत अज्याःगु हे ख्याच्वः बीगु तयारी यानाच्वंगु खँ धाःगु दु ।