बंगलादेशय् न्हय्म्ह नेपाली कासामित घाःपाः

झिंछक्वःगु दक्षिण एसीयाली कासाय् ब्वति कायेत बंगलादेशया ढाकाय् वंपिं न्हय्म्ह नेपाली कासामित घाःपाः जूगु दु । ढाका स्थित बंगबन्धु रंगशाला नापसंया होटल इम्पेरियमया लिफ्टं कुतुंवयाः कासामित घाःपाः जूगु खः । लिफ्त होटलया न्यागू तलां कुतुंवःगु खः ।

लिफ्टं कुतुंवयाः जुडो कासामि देवु थापा, राधादेवी राई, कालुमान तामाङ, रमेश मगर, पर्शुराम चौधरी व भरत्तोलनया ज्ञानबहादुर श्रेष्ठ व गोपालबहादुर श्रेष्ठ घाःपाः जूगु खः । उमित सामान्य घाःपाः जूगु व अनया स्थानीय अस्पतालय् वासः जुयाच्वंगु खँ धाःगु दु ।

अथेहे कासामित नापं जुडोया सम्बन्धित पदाधिकारी ध्यान बस्नेत नं घाःपाः जूगु दु ।