'थारुया धापू व्यक्तिगत'
मधेशी जनअधिकार फोरम नापं छगू हे स्वायत्त प्रदेशया निंतिं थरुहट संघर्ष समितिं मंकाः आन्दोलन यायेगु धकाः थारु नेता लक्ष्मण थारुं धयादीगु धापू व्यक्तिगत जूगु खँ थरुहट संघर्ष समितिय अध्यक्षमण्डलया दुजः उपेन्द्र गच्छदारं धयादीगु दु ।
बिहीवाः विराटनरय् पत्रकार सम्मेलन यानाः समितिं लक्ष्मण थारु संघर्ष समितिया संयोजक मजूगु दाबी नं याःगु दु । पत्रकार सम्मेलनय् गच्छदारं थारुत सम्बन्धित च्यागू घटक जना: गठन जूगु थरुहट संघर्ष समिति नाप छुं सहलह मयासें फोरम नाप मंकाः रुपं आन्दोलन यायेगु धकाः थारुं याःगु घोषण आधिकारीक मखसें व्यक्तिगत जूगु धयादिल ।
वयेकलं लक्ष्मण थारु थरुहट स्वायत्त राज्य परिषदया जक संयोजक जूगु व थरुहट मंकाः संघर्ष समितिया संयोजक हे मदुगु धयादिल ।
बुधवाः फोरम व लक्ष्मण थारुं मंकाः सघर्ष समिति यानाः फोरम नाप थरुहट संघर्ष समितिं मंकाः आन्दोलन यायेगु घोषणा यानादीगु खः ।
