माओवादी आन्दोलन बारे समिक्षा

एकीकृत नेकपा (माओवादी)या बुधवाः निसें शुरु जूगु स्थायी समितिया बैठकय् नागरिक सर्वोच्चता व राष्ट्रिय स्वाधीनताया माग यानाः यानाच्वंगु आन्दोलनया बारे सहलह या:गु दु । बिहीवाः पार्टी मू ज्याकू पेरिस डाँडाय् जूगु सहलहलय् जुयाच्वंगु आन्दोलन व भावी ज्याझ्वःया बारे नं सहलह जूगु खः ।

अथेहे बैठकय् माओवादी अध्यक्ष पुष्पकमल दाहाल 'प्रचण्डं' बुधवाः पेस यानादीगु समिक्षात्मक राजनीतिक प्रतिवेदन बारे नेतातय्सं टिप्पणी याःगु दु । प्रतिवेदनय् पार्टी महासचिव रामबहादुर थापा 'बादल', सचिव सीपि गजुरेल, नेता अमिक शेरचन लगायतं थःथःगु बिचाः प्वंकादीगु खः ।