जग्गा कारोबार व प्लिटङ दिकेगु प्रस्ताव
व्यवस्थापिका संसद अन्तर्गत प्राकृतिक स्रोत, आर्थिक आधिकार व राजस्व बाँडफाँट समितिया सभापति शान्ता चौधरीं स्वलाया निंतिं छेँ जग्गा कारोबार दिकेगु प्रस्ताव यानादीगु दु ।
बिहीवाः च्वंगु समितिया बैठकय् सभापति चौधरीं उगु प्रस्ताव यानादीगु खःसां माओवादी लगायत सभासद्तय्सं विरोध यायेगु प्रस्ताव पारित जुइमफुत । सभासद्त गगन थापा, रामकुमार शर्मा, रन्त गुरुङ लगायतं धाःसा जमिनया प्लिटङ दिकेत निर्देशनया माग यानादीगु खः ।
समितिं स्वला दुने भू-उपयोगी नीति दयेकेत भूमिसुधार मन्त्रालययात निर्देशन ब्यूगु दु । बैठकं अनियन्त्रित व अव्यवस्थित रूपय् दुगु जग्गाया प्लिटङ अध्यन यानाः प्रतिवेदन लःल्हायेत भूमिसुधार व व्वस्था उपसमिति गठन यायेगु निर्णय याःगु दु ।
बैठकय् भूमिसुधारमन्त्री डम्बरबहादुर श्रेष्ठं जमिनया अनियन्त्रित प्लिटङ नियन्त्रण यायेमाःगु विषयलय् सरकार सकारात्मक जूगु धयादिसें भूमिसुधार आयोगं फागुन तक थःगु प्रतिवेदन तयार याइगु धयादिल ।
