फोरमं देय्न्यंकया जिल्ला प्रशासनय् धर्ना

मधेशीतय् माग सम्बोधन यायेमाःगु माग यासें आन्दोलन न्ह्याकूगु मधेशी जनअधिकार फोरमं बिहीवाः देय्न्यंकया जिल्ला प्रशासन ज्याकूथी धर्ना ब्यूगु दु । फोरमया कार्यकर्तातय्सं सुथय् झिताः इलं निसें झिनिताः ई तक जिल्ला प्रशासन ज्याकूथी मधेशया माग सम्बोधन यायेमाःगु नारा थ्वयेकाः धर्ना ब्यूगु खः ।

मधेशीतय् मागया बारे सरकार गम्भीर मजूगु व सरकार व मंकाः मधेशी मोर्चाया माग कार्यान्वयन यायेमाःगु मागे याखें फोरमं आन्दोलन यानाच्वंगु दु । बुधवाः जक फोरम व थरुहट संघर्ष समितिं प्रादेशीक स्वायत्तया सुनिश्चित यायेगु धासें मंकाः आन्दोलन यायेगु घोषणा याःगु दु ।