बसधनी विरुद्ध बसय् बम

येँ (सन्ध्या टाइम्स)/दाङया तुल्सीपुर लागाया न्हूगु बसपार्कय् दिकातःगु छगः बसया क्वय् प्रेसर कुकर बम तयातःगु लूगु दु। थुकिं यानाः अन थौं सुथय् छझाः आतंक ब्वलन। ना. २ ख ५४०३ नम्बरया उगु बसया तःलय् अथे बम तयातःगु लूगु खः। बसधनी गोपाल भण्डारी विरूद्ध अथे बम तयागु खँ नेपाल मार्क्सवादी गणतान्त्रिक गुप्तचर युवा टाइगर समूपाखें थौं सुथय् अन ह्वलातःगु पर्चा व विज्ञप्तिइ न्ह्यथनातःगु दु ।