स्वम्ह वज्राचार्यया लुमंति मुँज्या
येँ (सन्ध्या टाइम्स)/वज्राचार्य संरक्षण गुथिपाखें नकतिनि थन छगू ज्याझ्वः यासें गुथिया दिवंगत जूपिं थीथी जःपिंत लुमंकल। गुथिया विशेष सल्लाहकार चक्रेश्वर सत्वतारा वज्र वज्राचार्य, उपाध्यक्ष चक्रेश्वर कर्णहर्ष वज्राचार्य व संस्थापक दुजः हेमवज्र वज्राचार्यपिनि लुमंतिइ उगु बिचाः मुँज्या याःगु खः ।
मदुपिनि किपाय् स्वांमाः क्वखायेकुसें न्ह्याःगु उगु ज्याझ्वलय् वय्कःपिति लुमंतिइ दुर्गत परिशोधन धारणी पाठ नं जूगु खः। ज्याझ्वलय् पं. पण्डित बद्रीरत्न वज्राचार्य नापं गुथिया नायःपाखें नं नुगःखँ प्वंकेगु ज्या जूगु खः ।
