कोइराला व ल्यानग्रेन दथुइ सेना समायोजन बारे खँल्हाबंला

राष्ट्रसंघीय मिसन अनमिनया प्रमुख करिन ल्यानग्रेन व नेपाली कांग्रेसया सभापति गिरिजाप्रसाद कोइराला दथुइ सेना समायोजनया बारे खँल्हाबंला जूगु दु ।

बुधवाः सुथय् कोइराला निवास महाराजगंजय् जूगु खँल्हाबंलाय् सभापति कोइरालां उच्चस्तरीय राजनीतिक संयन्त्र गठन जुइधुंकूगुलिं सेना समायोजन याकनं हे जुइगु विश्वास प्वंकादिल । उगु इलय् अनमिन प्रमुख ल्यानग्रेनं सेना समायोजन यायेत दलत दथुइ राजनीतिक सहमति आवश्यक जुइगु खँय् बः बियादीगु खः ।

कांग्रेस सभापति कोइरालाया संयोजकत्वय् उच्च्सतरीय राजनीतिक संयन्त्र गठन लिपाः वयेकपिं दथुइया थ्व न्हापांगु खँल्हाबंला खः । वयेकपिं दथुइ सेना समायोजन नापं शान्ति प्रकृया, संविधान निर्माण व राजनीतिक संयन्त्रया बारे नं खंल्हाबंला जूगु ख: ।