नेपालगंजय् इहि व कय्तापुजा
येँ (सन्ध्या टाइम्स)/नेपालगञ्जस्थित पश्चिम नेपाःया हे नांजाःगु शक्ति पीठ बागेश्वरी देगलय् आः नकतिनि नेवाः परम्परा कथं इहि व कय्तापुजाया ज्या जुल ।
राजोपाध्याय समाजया मूछ्यांज्ये संजय शर्मा राजोपाध्याय व दुजः विजय शर्मा राजोपाध्यायपिंसं नेवाः संस्कृति परम्परा कथं उगु धार्मिक ज्या सम्पन्न यानादीगु खः। नेवाः पुचः बाँकेया ग्वसालय् जूगु उगु ज्याझ्वलय् बाँके, दाङ्ग, सुर्खेत, बर्दिया व प्युठानं समेत वःपिं यानाः २६ म्ह मिसा मस्तय्त इहि व १४ म्ह मिजं मस्तय्त कय्तापुजा याःगु खः। निन्हुयंकं जूगु उगु ज्याझ्वलय् मस्त व अभिभावक यानाः करिब स्वसःम्ह मनुखं ब्वति काःगु खः ।
