राष्ट्रपति छेँय् गंकी सिरपाः
थुगुसी बीत्यंगु गंकी धुस्वां-बसुन्धरा सिरपाः राष्ट्रपति निवासय् लःल्हाइगु जूगु दु । थुगुसी सिरपाः बीगु लागिं राष्ट्रपति डा. रामवरण यादवयात मूपाहां दयेकेगु धकाः निर्णय जू कथं ग्वसाः खलः गंकी धुस्वां-बसुन्धरा प्रतिष्ठानं वय्कःयात इनाप याःबलय् वय्कलं सिरपाः लःल्हाइगु न्हि सार्वजनिक बिदा लाःगुलिं वकुन्हु राष्ट्रपति निवासय् हे ज्याझ्वः तयेगु सुझाव बियादीगु खः । सिरपाः थ्वहे वइगु माघ १ गते घ्यःचाकु संल्हू कुन्हु लःल्हाइ । वकुन्हु माघीया सार्वजनिक बिदा बियातःगु दु । सार्वजनिक बिदा कुन्हु राष्ट्रपति औपचारिक ज्याझ्वलय् मवनीगु चलन दु ।
