स्वीस सरकारपाखें खाद्य सुरक्षाय् ग्वाहालि
येँ (सन्ध्या टाइम्स)/नेपाःया दुर्गम क्षेत्रया च्यागू जिल्लाय् खाद्य सुरक्षाय् सुधार हयेगु निंतिं स्वीस सरकारं ग्वाहालि याइगु जूगु दु ।
नेपाः व स्वीस सरकार दथुइ अर्थ मन्त्रालयय् जूगु सहमति कथं थुकिया निंतिं पीन्हय्गू करोड ख्वीछगू लख ग्वीनिद्वः तका दां बराबरया ग्वाहालि याइगु जूगु दु ।
स्वीस सरकारं खाद्य सुरक्षा सुधारया ज्याझ्वः कथं दोलखा, दैलेख, अछाम, जाजरकोट, कालिकोट, रामेछाप, खोटाङ व ओखलढुंगा जिल्लाया ग्रामिण क्षेत्रय् करीब २३०० हेक्टर जग्गाय् सिँचाइ आयोजना संचालन यायेगु यानाः उकियात सुविधा बीगु जूगु दु ।
