भारतीय अपहरणकारीत नेपालय् ज्वन
येँ (सन्ध्या टाइम्स)/रौतहट जिल्लाया प्रहरी व भारतया प्रहरी जानाः भारतं बिसिउँ वयाच्वंपिं स्वम्ह अपहरणकारीत ज्वंगु दु ।
वंगु चान्हय् रौतहटया लालबकैया खुसि लिक्क च्वनाच्वंगु अवस्थाय् भारतीय अपहरणकारीत जोगीन्दर यादव, महेन्द्र महतो व जोगिन्दर माझियात ज्वंगु खः। इमित ज्वनेधुंकाः नेपाःया प्रहरीं भारतया प्रहरीयात हे लःल्हाःगु खः ।
भारत व नेपाल प्रहरीया मंकाः गस्ति पुचलं चान्हय् ११ बजे
रौतहटया बैरगनि बजारं पश्चिम पाखे लाःगु लालबकैया खुसिया लिक्कसं च्वंगु लागाय् सुलाच्वंगु अवस्थाय् उमित ज्वंगु खः ।
न्यान्हु न्ह्यः रौतहटया लक्ष्मीपुर बेलबिछया २ या प्रल्हाद साहयात भारतया थ्व अपहरणकारीतय्सं अपहरण याना यंकूगु खः। प्रहरीं ज्वनेधुंकाः उमिसं साहयात अपहरण यानागु खः धकाः स्वीकार यायेधुंकूगु दु ।
