दुर्घटनाय् स्वम्ह सित

येँ (सन्ध्या टाइम्स)/देय्या थीथी थासय् थौं सुथय् जूगु सवारी दुर्घटनाय् लानाः स्वम्ह सीगु दुसा छम्ह घाःपाः जूगु दु। विराटनगरय् थौं सुथय् को. ५ ज ३६६१ नम्बरया मोटरसाइकलं ठक्कर नयाः स्थानीय दिनेश राना सीगु दु। अथे हे पूर्व पश्चिम राजमार्ग अन्तर्गत नवलपरासीया दुम्कीबासय् मोटरसाइकल दुर्घटना जुयाः विन तामाङ सीगु दु। उकथं हे येँनं नारायगढ वनाच्वंगु ना. २ ख ८७७३ नंबरया ट्रक व अःखः दिशां वयाच्वंगु लु. १ ख ५७४७ नंबरया ट्रक थौं सुथय् मुग्लिनय् ल्वानाः यलया वाय् च्वंम्ह चालक कुमार तामाङ घाःपाः जूगु दु ।