सौर्य उर्जायात तिबः बीत माग
येँ (सन्ध्या टाइम्स)/ अप्वया वनाच्वंगु लोड शेडिङ्ग म्हो यायेत सौर्य उर्जाया स्रोतयात तिबः बीमाःगु एटिसी सोलार इण्डष्ट्रिजं न्ह्यथंगु दु ।
थन छगू पत्रकार सम्मेलन यासें अप्वया वनाच्वंगु उर्जा संकट म्हो यायेत उद्योग, कलकारखानाया लिसें अस्पताल लागाय् लः क्वाकेया निंतिं विशेष यानाः सोलारया माध्यमं यायेमाःगु खँय् एटीसीं बः बिउगु खः ।
उगु कम्पनीं बिउगु जानकारी कथं थौंकन्हय् स्वसःनिसें अप्वलय् प्यसः मेगावाट जक विद्युत उत्पादन जुयाच्वंगु दु।
कम्पनीं छगः गिजरं लः क्वाकेगु इलय् नीप्यसः निसें स्वद्वः किलोवाट विद्युत खपत जुइगु जूगुलिं विद्युत खपत व खर्च क्वपालेत नं सोलार हिटर छ्यलेत इनाप याःगु दु ।
