स्थानीय निकाय सहलह
स्थानीय निकाय पुनर्गठनया बारे सहलह यायेगु निंतिं थौं माओवादी व एमालेया बैठक च्वनेत्यंगु दु । आः तकं खाली जुयाच्वंगु स्थानीय निकायय् राजनीतिक नियुक्त यायेत नीस्वंगु कार्यदलं थःपिनि ज्या क्वचायेकेधुंकूगु व कार्यदलं पिकाःगु निष्कर्षयात कयाः सहलह यायेत थौं बैठक च्वनेत्यंगु खः ।
स्थानीय विकास मन्त्रालयय् च्वनीगु उगु बैठक लिपा मेगु चीधंगु राजनीतिक पार्टीतलिसे नं थ्व निगू दलं सहलह याइगु खँ धाःगु दु । स्थानीय निकायय् समानुपातिक प्रणालीइ सुयात गुलि भोट वल वहे लिधंसाय् सीट बीमाःगु प्रस्ताव वयाच्वंगु दु ।
