संयन्त्रय् माओवादी माग बारे सहलह यायेत प्रचण्डया इनाप

एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' माओवादीं ल्ह्वनाच्वंगु मागयात उच्चस्तरीय राजनीतिक संयन्त्रया मेगु बैठकय् सहलह यायेत इनाप यानादीगु दु ।

मंगलवाः सुथय् संयन्त्रया संयोजक नापं नेपाली कांग्रेसया सभापति गिरिजाप्रसाद कोइराला नाप खँल्हाबंला यानादिसें वयेकलं संयन्त्र मार्फत वर्तमान राजनीतिक गतिरोध अन्त्य जुइगु विश्वास सहित माओवादीं माघ १० गते निसें यायेगु धाःगु अनिश्चितकालीन आमहड्ताल लित काःगु धयादिसें आः जुइगु संयन्त्रया बैठकय् माओवादीया माग बारे सहलह यायेत इनाप यानादीगु खः ।

अथेहे वयेकपिं दथुइ संयन्त्रयात प्रधावकारी दयेकेगु बारे नं सहलह जूगु दु । नापं संयन्त्रया कार्यविधि व कार्यक्षेत्राधिकार लगायत विषयलय् नं सहलह जूगु खः ।