दलिततय् माग प्रति प्रचण्डया समर्थन
एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' दलित अधिकार न्हूगु संविधानय् सुनिश्चित यायेत थः प्रतिबद्ध जूगु खँ धयादीगु दु । वयेकलं दलितया मागयात सम्बोधन यायेत सहलहया निंतिं उच्चस्तरीय राजनीतिक संयन्त्रय् यंकेगु प्रतिबद्धता नं प्वंकादिल ।
सोमवाः न्हय्गू राजनीतिक दल सम्बद्ध दलित मोर्चां थःगुपिनिगु माग सुनिच्छित यायेमा:गु धासें ज्ञापनपौ लःल्हायेत प्रचण्ड निवास न्हू बजारय् थ्यंकूगु इलय् वयेकलं थंज्याःगु प्रतिबद्धता प्वंकादीगु खः । दलित प्रतिनिधितय्सं राज्या दक्वं अंगय् पूर्ण समानुपातिकय् १० प्रतिशत अग्राधिकार सुनिश्चित यायेमाःगु लगायत नीगू बुँदे माग सहितया ज्ञापन पौ लःल्हाःगु खः ।
उगु इलय् दलित प्रनिधितय्त माओवादी अध्यक्ष प्रचण्डं दलित मोर्चां याःगु माग प्रति पूर्णरुपय् सहमति प्वंकादिसें आवश्यक जुसाः उच्च्सतरी संयन्त्रय् नं सहलहया एजेण्डाया रुपय् बचं बियादिल ।
दलित आयोगयात अधिकार सम्पन्न दयेकेमाःगु लगायत माग दुथ्याःगु ज्ञापनपौया माग सुनुवाई मजुसाः दलित प्रतिनिधितय्सं आन्दोनय यायेगु ख्याच्वः ब्यूगु दु । दलित मोर्चाय् माओवादी, एमाले, सद्भावना लगायत राजनीतिक दल सम्बद्ध दलित संगठन दुथ्याः ।
