मन्त्रालयय् फोहोर वायेगु निंतिं सहलह

येँ (सन्ध्या टाइम्स)/देय्न्यंकंया स्थानीय निकाय बन्द यानाः फोहोर ब्यवस्थापनया ज्या नापं ठप्प यासें आन्दोलन याना वयाच्वंपिं स्थानीय निकायया कर्मचारीतय्सं स्थानीय विकास मन्त्रालयय् फोहोर वाये यंकेगु विषययात कयाः थौं सहलह ब्याकीगु जूगु दु। कानून तथा न्याय मन्त्री प्रेमबहादुर सिंहं म्हिगः कर्मचारीतय्सं फोहोर व्यवस्थापनया ज्या मयात धाःसा सरकारं थःगु हे फोहोर व्यवस्थापन याइ धकाः न्ववानादीवं कर्मचारीत झन आक्रमक जुयाः आः मन्त्रालय न्ह्यःने फोहोर वायेत्यंगु खः ।