संघीयताया विरोधय् येँय् प्रदर्शन यायेगु घोषणा

येँ (सन्ध्या टाइम्स)/संघीय गणतन्त्र नेपाः दुने जातीय आधारय् प्रदेश दयेके मजिउ धकाः संघीयताया विरोधय् वइगु माघ २८ गते येँय् तःधंक विरोध प्रदर्शन यायेगु तयारी याःगु दु। छुं दिं न्ह्यः जक अथे क्षेत्री समाज दयेकाः आन्दोलन यायेगु घोषणा याः कथं वइगु २८ गते येँय् शक्ति प्रदर्शन यायेत्यंगु खः। थ्वहे झ्वलय् छुं दिं न्ह्यः जक ब्रम्हूतय्गु नं छगू भेलां बाहुन समाज नांगु संस्था दयेकूगु दु। उगु समाजं संघीय गणतन्त्र नेपाः दुने गथे मेमेगु राज्य दइ अथे हे ब्रम्हू राज्य नं दयेमाः धकाः माग यानाः आन्दोलन याइगु जूगु दु ।