सर्वोच्चं तोरणया बढुवायात मान्यता

सर्वोच्च अदालतं रथी तोरण जंगबहादुर सिंहया बढुवायात मान्यता ब्यूगु दु । वंगु पुस १९ गते सर्वोच्चं जारी याःगु अन्तरिम आदेशयात न्यायाधीशत रामप्रसा श्रेष्ठ व तपबहादुर मगरया मंकाः इजलासं आइतवाः खारेज यायेवं सिंहया बढुवायात मान्यता दुगु ख: ।

मन्त्रिपरिषदया बैठकं पुस ९ गते बढुवा याःम्ह सिंहयात सर्वोच्चं अन्तिम सुनुवाइ मजुतल्लेया निंतिं थ्व अन्तरिम आदेश खारेज याःगु खः । प्रधान्ययाधीश अनुपराम शर्माया इजलासं वंगु पुस १९ गते रथी पदय् च्वनाः ज्या मयायेत अन्तरिम आदेश जारी याःगु खः । रथी सिंहया रिटया सुनुवाइ वइगु फागुन ९ गते जुइ ।

सिंहया बढुवा विरुद्ध पुस १० गते माओवादी केन्द्रीय दुजः कृष्ण केसी, अखिल (क्रान्तिकारी)या महासचिव हिमाल शर्मा व बिना मगरं सर्वोच्चय् रिट दायर याःगु खः ।