भिंतुना बसन्त उत्सव

येँ (सन्ध्या टाइम्स)/भिंतुना गुथिया ग्वसालय् म्हिगः भिंतुना बसन्त उत्सव ११३० जुल। दगुबहालय् जूगु उगु ज्याझ्वःया मू पाहां प्रा. प्रेमशान्ति तुलाधर जुयादीगु खः। जनकवि दुर्गालाल श्रेष्ठ, भृगुराम श्रेष्ठ, भूषणप्रसाद श्रेष्ठ, नातिबज्र, रामकृष्ण दुवाल नापं नीछम्हं मल्याक कलाकार व साहित्यकारतय्सं ज्याझ्वलय् म्येँ हालेगु नापं चिनाखँ न्यंकेगु यानादीगु खः। ज्याझ्वलय् नेवाः कलाकारतय्सं नाटक नं न्ह्यब्वःगु खः। नायः सुशिलकाजी तुलाधरया सभापतित्वय् जूगु उगु उत्सवय् छ्याञ्जे रत्नवीर शाक्यं उत्सवया महत्वयात कयाः न्ववानादीगु खः ।