कोटेश्वरय् भिडन्त जुयाः न्याम्ह प्रहरी नापं झिंनिम्ह घाःपाः
येँ (सन्ध्या टाइम्स)/ख्वप जिल्लाया गोठाटार गाविसया स्थानीयवासी व प्रहरीया दथुइ थौं सुथय् भिडन्त जुयाः न्याम्ह प्रहरी नापं झिंनिम्ह मनू घाःपाः जूगु दु ।
थौं सुथय् जूगु ल्वापुइ लानाः घाःपाः जूपिं झिंनिम्हेसितं वासः यायेत अस्पतालय् यंकूगु दु ।
वंगु श्रीपंचमि कुन्हु सामान्य खँय् विवाद लिपा जूगु गोली काण्डय् लानाः झिदँ दुम्ह मचा सन्तोष कार्की सीगु घटनाया विरोध यासें क्षतिपूर्ति नापं दोषीयात कारवाहीया माग यानाः प्रदर्शन याःगु इलय् प्रहरी व स्थानीय प्रदर्शनकारीतय् दथुइ ल्वापु जूगु खः ।
स्थानीय वासिन्दातय्सं श्रीपंचमि कुन्हु जूगु घटनायात कयाः दोषीयात कडा कारवाही यायेमाःगु माग यानाः न्हियान्हिथं प्रदर्शन यायेगु नापं घटनाया विरोधय् थीथी कथंया गतिविधि तकं याना वयाच्वंगु खःसा प्रधानमन्त्री माधवकुमार नेपालं पीडित परिवारयात म्हिगः नापलानाः दोषीयात कारवाही यायेगु आश्वासन बियादीगु खः ।
