गोठाटारय् सीम्ह मचाया छेँजःयात सरकारं राहत बीगु
येँया गोठाटारय् छेँ द्यनेगु सामानं लेँय् जुइत थाकूगु विषयलय् जूगु विवाद तच्वयाः जूगु गोली काण्डय् लाना सीम्ह मचाया छेँजःयात सरकारं राहत रकम उपलब्ध याइगु जूगु दु ।
बुधवाः जूगु उगु घटनाय् सीम्ह च्यादँया मचा सन्तोष कार्कीया छेँजःयात समवेदना बीत झायादीम्ह प्रधानमन्त्री माधवकुमार नेपालं कार्कीयात छेँजःया राहत ग्वाहालि यायेगु प्रतिबद्धता प्वंकादीगु खः । अथेहे वयेलं मचाया लुमन्तिइ ट्रष्ट निर्माण यायेत ग्वाहालि यायेगु प्रतिबद्धता नं प्वंकादिल ।
प्रधानमन्त्री नेपालं थुगु घटनायात थःम्हं गम्भीर रुपं कयाःगु धयादिसें अपराधीयात ज्वनाः कारवाही यायेगु धयादिल । वयेकलं घटनाय् गोलीं क्येकूम्ह रन्त लामा माओवादी काभ्रेया जिल्ला सल्लाहकार जूगुलिं कारवाही प्रकृयालय् ग्वाहालि यायेत माओवादीया उपाध्यक्ष नारायणकाजी श्रेष्ठ 'प्रकाश' नापं नं खँल्हाबंला याये धुनागु जानकारी बियादिल ।
