न्यायपालिकाय् हस्तक्षेपया खतरा : देउवा

नेपाली कांग्रेसया वरिष्ठ नेता शेरबहादुर देउवां स्वतन्त्र न्यायपालिकाय् हस्तक्षेपया खतरा अप्वःगु खँ धयादीगु दु ।

नेपाल बार एसोसिएसनया न्हूपिं पदाधिकारीयात बधाई व भिंतुना बीत कांग्रेस क्षेत्र नम्बर ४ व ५ येँ नं मंकाः रुपं शनिवाः ग्वसाःग्वःगु ज्याझ्वलय् वयेकलं न्यायापालिकां स्वतन्त्र ढंगं ज्या यायेगु वातावरण दयेमाःगु खँय् बः बियादिल । वयेकलं कानुनी शासन स्थापनाया निंतिं कानुन व्यवसायीत इमानदारीपूर्वक न्ह्याः वनेमाःगु खँ धयादिल ।

वयेकलं लोकतान्त्रिक संविधान निर्माणया निंतिं दबाब बीत कानुन व्यवसायीतय्सं दबाब बीमाःगु खँ धयादिसें कानुन व्यवसायीतय्सं कानुनी शासन स्थापना यायेत ग्वाहालि यायेत इनाप यानादिल । नापं वयेकलं लोकतन्त्रयात संस्थागत यायेत कानुन व्यवसायीत लगेजुइमाःगु खँ बः बियादिल ।