संयन्त्रया मुँज्याय् कार्यक्षेत्र व कार्यविधि बारे सहलह
येँ (सन्ध्या टाइम्स)/राजनीतिक गतिरोध अन्त्य यायेगु नितिं नेपाली कांग्रेसया सभापति गिरिजाप्रसाद कोइरालाया नेतृत्वय्, एनेकपा (माओवादी) अध्यक्ष प्रचण्ड व नेकपा (एमाले) या अध्यक्ष झलनाथ खनालपिं दुजः कथं च्वनाः नीस्वंगु उच्चस्तरीय राजनीतिक संयन्त्रया थौं च्वनाच्वंगु मुँज्याय् संयन्त्रया कार्यविधि व कार्यक्षेत्रयात कयाः सहलह ब्याकीगु जूगु दु ।
कोइराला निवास महाराजगञ्जय् न्हिनय्पाखे च्वंगु संयन्त्रया मुँज्या च्वने न्ह्यः उगु संयन्त्र अन्तर्गत दयेकूगु कार्यदलया मुँज्या च्वनाः माःगु कथंया गृहकार्य नं याःगु खः।
थ्वहे झ्वलय् उप प्रधानमन्त्री नापं परराष्ट्रमन्त्री सुजाता कोइरालां थौं पत्रकारतलिसे खँ ल्हासें राजनीतिक संयन्त्रय् झिंछगू दलया शीर्ष नेतात दुथ्याकेमाः धकाः प्रस्ताव तयादीगु दु। वय्कलं संविधानसभापाखें प्रत्यक्ष रुपं त्याकावःगु झिंछगू दलया नेतातय्त दुथ्याकेमाः धयादीगु खः ।
