कञ्चनपुरय् ल्वाभः सहित भारतीय प्रहरी ज्वन

येँ (सन्ध्या टाइम्स)/ ल्वाभः नापं नेपाः वःपिं च्याम्ह भारतीय प्रहरी नापं झिंनिम्हेसित थौं कञ्चनपुरय् नेपाल प्रहरीं ज्वंगु दु। भारतीय सुरक्षाकर्मीत सुन्दरपुरया जयबहादुर खड्काया छेँय् खानतलासी यायेत ल्वाभः सहित वःगु इलय् स्थानीय मनूतय्सं घेरे याःगु खःसा वयां लिपा नेपाल प्रहरीयात लःल्हाःगु खः। भारतीय प्रहरीतय्सं मोटरसाइकल खुया यंकूगु बारे छानविन यायेत वयागु खँ कंगु दु ।