थौं राष्ट्रपति-कटवाल भेट

येँ (सन्ध्या टाइम्स)/नेपाली सेनाया पुलांम्ह प्रधानसेनापति रुक्मांगत कटवालं थौं राष्ट्रपति डा. रामवरण यादवयात नापलाये त्यंगु दु। थौं न्हिनय् ३ बजे राष्ट्रपति भवन वनाः वय्कलं राष्ट्रपति नापलाइगु ज्याझ्वः दु। माओवादी सरकारं अवकास बीधुंकूम्ह कटवालयात राष्ट्रपति यादवं हे थमौती याना बिउगु खः गुकिं यानाः देशय् माओवादी आन्दोलन न्ह्यानाच्वंगु दु। थ्वहे झ्वलय् सेनां रिटायर्ड जुइधुंकाः भाजु कटवालं थौं बीबीसीयात न्हापांगु अन्तर्वार्ता बियादीगु दु। थौं प्रशारण जुइगु उगु अन्तर्वार्ताय् वय्कलं पुलांगु खँ कनेगु नापं माओवादीया कडा आलोचना यानादीगु खँ सीदुगु दु। थःत गुलिसिनं आः पार्टी चायेकि धकाः सुझाव बिउगु खँ नं वय्कलं कनादीगु दु ।