कपुरयात मानार्थ दर्ज्यानीया चिं
बिहीवा: हे प्रधानमनत्री व रक्षमन्त्रीयात नापलात
प्यन्हून्यंकया नेपाः भ्रमणय् दीम्ह सेनाध्यक्ष दीपक कपुरयात राष्ट्रपति डा. रामवरण यादवं नेपाली सेनाया मानार्थ महारथीया दर्जा प्रदान यानादीगु दु ।
राष्ट्रपति भवन शितल निवासय् ग्वसाःग्वःगु विशेष समारोहलय् राष्ट्रपतिं कपुरयात खड्ग, टोपुली सहित नेपाली सेनाया मानार्थ दर्ज्यानी चिं प्रदान यानादीगु खः । ज्याझ्वलय् रक्षामन्त्री विद्यादेवी भण्डारी, प्रधानसेनापति छत्रमानिसंह गुरुङ, भारतीय राजदूत राकेश सुद लगायतया उपस्थिति दुगु खः ।
थ्वस्वयां न्ह्यः नेपाःया प्रधानसेनापति छत्रमानिसंह गुरुङयात नं भारतया राष्ट्रपति प्रतिभा पाटिलं भारतीय सेनाया मानार्थ दर्ज्यानी चिं प्रदान यानादीगु खः ।
अथेहे भारतीय सेनाध्यक्ष कपुरं बिहीवाः हे प्रधानमनत्री माधवकुमार नेपाल व रक्षमन्त्री विद्यादेवी भण्डारीयात नापलाना खँल्हाबंला यानादीगु खः ।
सिंहदरवारय् च्वंगु प्रधानमनन्त्रीया ज्याकूथी प्रधानमन्त्री व कपुर दथुइ जूगु खँल्हाबंलाय् निगू देय्या स्वापूयात अझ बांलाका यंकेगु सहमति जूगु दु । उगु इलय् कपुरं शान्ति प्रकृया व सेना समायोजन बारे च्यूता: प्वंकादीगु खः ।
अथेहे रक्षामन्त्री नाप जूगु खँल्हाबंलाय् कपुरं भारत न्ह्यवलें नं नेपाःया सेनायात ग्वाहालि यायेत तयार जूगु धयादिल ।
