संघीयताया विरोधय् राप्ती-लुम्बिनी बन्द

संघीयताया विरोधय् राष्ट्रिय जनमोर्चां आह्वान याःगु राप्ती-लुम्बिनी बन्दं अनया झिंछगू जिल्लाया जनजीवन प्रभावित जूगु दु । बन्दया कारणं दाङया घोराही, तुल्सीपुर, लमही लगायत थाय्या बजाः बन्द दुसाः यातायातया साधन नं ठप्प जूगु दु ।

अथेहे बन्दया कारणं राप्तीया दाङ नापं प्युठान, रोल्पा, सल्यान, रुकुम व लुम्बिनीया नवलपरासी, रुपन्देही, कपिलवस्तु, पाल्पा, अर्घाखाँची व गुल्मीया नं जनजीवन प्रभावित जूगु दु । बन्दं अनया बजाः, कलकारखाना, उद्योग, शैक्षिक संस्था लगायत दक्वं क्षेत्र प्रभावित जूगु दु ।