प्रदेशयात लसकुस लागायात विरोध
येँ (सन्ध्या टाइम्स)/नेवाः स्वायत्त राज्य मंकाः संघर्ष समितिं थौं छगू विज्ञप्ति पिकासें संविधानसभा राज्य पुनर्संरचना समितिया उपसमितिं तयार याःगु झिंप्यगू प्रदेशया प्रस्तावयात लसकुस याःगु दुसा नेवाः स्वायत्त प्रदेशया लागाय् धाःसा असन्तुष्टि प्वंकूगु दु ।
संघर्ष समितिया छ्याञ्जे नरेश ताम्राकारं पिथंगु विज्ञप्तिइ आदिवासी जनजातिया म्हसीका पिब्वयेगु कथं झिंप्यंगू प्रदेशयात लसकुस यायेमाः तर नेवाःतय्गु बाहुल्यता दुगु ऐतिहासिक भूमि त्रिशुलि, नुवाकोट, दोलखा आदि लागायात नेवाः स्वायत्त प्रदेशय् दुथ्याकेगु ज्या मयाःगु खँय् धाःसा नेवाःतय्गु विरोध दु धासें नेवाःतय्गु भावना कथं हे नेवाः स्वायत्त राज्य दयेकेमाः धकाः माग याःगु दु ।
