थौं कुष्ठरोग निवारण घोषणा याइगु

येँ (सन्ध्या टाइम्स)/सरकारं थौं कुष्ठरोग निवारणया औपचारिक रुपं घोषणा यायेत्यंगु दु। विश्व स्वास्थ्य संगठनं १८ दँ न्ह्यः हे कुष्ठरोग उन्मूलन जूगु घोषणा याये धुंकूगु खः। सन २००९ या डिसेम्बर महिना दुने कुष्ठरोग निवारण यायेगु पुलांगु प्रतिवद्धता व अन्तर्राष्ट्रिय मापदण्डकथं उगु ल्वय् मदये धुंकूगु जुयाः थौं नेपाल सरकारं अथे कुष्ठरोग निवारण घोषणा यायेत्यंगु खः धकाः स्वाथ्य मन्त्रालयं धाःगु दु ।