दमन याःसा बांलाइ मखु: डा. भट्टराई

येँ (सन्ध्या टाइम्स)/एनेकपा (माओवादी) या उपाध्यक्ष डा. बाबुराम भट्टराईनं यदि थःपिंसं यायेत्यनागु आन्दोलनयात सरकारं दमन यात धाःसा उकिया लिच्वः बांलाः मजुइगु ख्याच्वः बियादीगु दु। लिसें वय्कलं मधेशी जनतां यानाच्वंगु मागयात सरकारं आः तक वास्ता मयाःगु खँय् नं आपत्ति प्वंकुसें यदि सरकारं मधेशी जनतायात थथे हे वेवास्ता यात धाःसा मधेशी जनतायाके विद्रेह बाहेक मेगु विकल्प मदइगु खँ नं धयादीगु दु। म्हिगः मधेशी गणतान्त्रिक सम्पर्क मञ्चया ग्वसालय् येँय् जूगु ज्याझ्वलय् न्ववासें वय्कलं थ्व खँ धयादीगु खः। डा. भट्टराईनं तराई आन्दोलनय् सीपिंत सहिद घोषणा यासें क्षतिपूर्ति बीत नं माग यानादीगु दु ।