वाईसीएल पार्टीया नियन्त्रणय् दुला ?
सत्तारुढ पार्टी माओवादीया भातृ संगठन वाईसीएल व एमालेया युथ फोस्रया कार्यकर्ता दथुइ हानं बांमलाक
ल्वापु जूगु दु । र्येया जितपुरफेदीइ नकतिनि कर उठे यायेगु खँय् ल्वापु जुयाः वाईसीएल कार्यकर्तातय्सं युथ फोस्रया छम्ह कार्यकर्ताया तुलि हे पाले मायेक आक्रमण याःगु दु । थुकिं यानाः युथ फोस्र कार्यकर्ता आक्रोशित जुइगु स्वाभाविक खः । थ्व स्वयां न्ह्यः वाईसीएलं युथ फोस्रया निम्ह कार्यकर्तायात धाडिंगय् अपहरण यानाः हत्या याना बिउग खः । युथ फोस्रयात जुयाच्वंगु उकिया घाः हे बांलाक लंगु मदुनि आः हानं मेम्ह कार्यकर्तायात विभत्स रुपं आक्रमण याःगुघटनां यानाः निगू पुचः दथुइ हानं मेगु तःधंगु ल्वापु जुइगु खतरा पिहां वःगु दु । थौंकन्हय् युथ फोस्र समर्थित पार्टीयाम्ह हे नेता वामदेव गौतम गृह मन्त्री जुयाच्वंगु< दु । तर वय्कलं मेपिं सर्वसाधारण जनताया ला खँ हे त्वःति थः हे कार्यकर्ताया तकं सुरक्षा याये मफु । वय्कःयात थज्याःगु न्ह्यसः तयाः आः एमाले कार्यकर्ता व वय्कःया विरोधी नेतातय्सं सरकार त्वःतेत दवाव बीगु नं स्वाभाविक खः ।
तर थ्व ई द्वन्द्वयात ताःहाकः यानाः समस्या तच्वयेकेगु ई मखु । दुगु द्वन्द्वयात गय् यानाः जिउ मदयेकाः न्ह्याः वनेगु ई खः । अथे धकाः वाईसीएलं न्ह्यागु याःसां शान्तिया नामय् सह यानाच्वनेमाः धइगु मखु । वाईसीएलं यानाच्वंगु थज्याःगु गतिविधि आः अप्वः हे जुल । यदि थ्व निकाय पार्टीया नियन्त्रणय् मदुगु खःसा माओवादीं थ्वयात भंग याना छ्वःसां जिउ । आः आक्रमणया बदला कायेगु धकाः युथ फोस्रं हानं मेगु पलाः ल्ह्वनेगु स्वयां संयम जुइगु बुद्धिमानी जुइ ।
More Stories Like this
छाय् जुइ थपाय्जिगु अपराध? जनतायात सास्ती जुइगु विरोध मजिल उपप्रमपाखें भारतय् याःवंगु ब्रिफिंग अपराध व राजनीति आः नापनापं हे माओवादी सहमतिया थीथी पक्ष
