पार्टी एकीकरण न्ह्यःने यंकेगु सहलह
नेकपा माआवादी व एकताकेन्द्र मसाल दथुइ धकाः तयारी जुयाच्वंगु एकीकरणयात अन्तिम रुप बीगु निंतिं थौं माआवादी केन्द्रीय सचिवालयया बैठक च्वनेत्यंगु दु ।
बैठकय् एकीकरण नापं सम-सामयिक राजनीतिक घटनाक्रम, सेना समायोजन समिति, सरकारया ज्याया बारे नं सहलह जुइगु खँ धाःगु दु ।
थीथी विषयय् सहलह जुइगु खँ धाःसां नं थौंया बैठकया मू एजेन्डा धाःसा एकीकरण हे जुइगु खँ माओवादी प्रवक्ता दिनानाथ शर्मां कनादीगु दु । बैठकय् विशेष यानाः पार्टी एकीकरण लिपा एकताकेन्द्र मसालया नेतातय्त बीमाःगु वरियताया बारे खँ जुइगु जानकारी नं वय्कलं बियादीगु दु ।
अथे हे बैठकय् कन्हय् च्वनीगु केन्द्रीय समितिया बैठकय् न्ह्यब्वयेगु एजेन्डा बारे नं सहलह ब्याकीगु खँ सी दुगु दु । माओवादी व एकता केन्द्र मसाल दथुइ थ्वहे महिनाया दुने एकता यानाः पार्टीया नां एकिकृत नेकपा (माओवादी) तयेगु सहमति जूगु दु ।
