नेपाः पार्टीपाखें विरोध
येँ (सन्ध्या टाइम्स)/संविधानसभाया राज्य पुनर्संरचना नापं राज्य शक्ति बाँडफाँड समिति अन्तर्गतया उप समितिं प्रस्तावया रुपय् हःगु झिंप्यगू प्रदेश व खुगू प्रदेशयायात नेपाः राष्ट्रिय पार्टीं विरोध याःगु दु ।
नेपाः राष्ट्रिय पार्टीपाखें थौं ग्वसाःग्वःगु पत्रकार सम्मेलनय् संघीय राज्य बारे उप समितिं तयार याःगु प्रस्तावयात कयाः विरोध याःगु खः ।
थःपिंसं न्हापा हे न्ह्यब्वयागु संघीय राज्यया प्रस्ताव हे थःपिनिगु आधिकारीक प्रस्ताव जूगु पार्टीया नायः डा. केशवमान शाक्यं धयादीगु दु। उगु पार्टीं न्यागू स्वायत्त प्रान्त दुने जातीय स्वाशासित लागा दइगु कथंया प्रस्ताव न्ह्यब्वःगु खः ।
संविधनसभया राज्य पुनर्संरचना समितिया उप समितिं तयार याःगु संघीय राज्यय् निगू प्रस्ताव मध्ये छगुली कर्णाली, गण्डकी, सगरमाथा, सिर्जङ्गा, लुम्विनी व सिम्रौनगढ धकाः न्ह्यब्वयातःगु दुसा मेगु प्रस्तावय् झिंप्यंगू प्रदेश धकाः खप्तङ, थारुहट, कर्णाली, मगरात, पश्चिम मधेश, तमुवान, नारायणी, ताम्सालिङ, नेवाः, सुनकोसी, मधेस, किराँत, लिम्बुवान व विराट दइ धकाः न्ह्यथनातःगु दु। उगु प्रस्तावया कयाः छन्हु निन्हुया दुने हे राज्य पुनर्संरचनाया मूल समितिइ सहलह जुइत्यंगु दु ।
